Anea des Beldjes då lon

Belgian Expatriates Webring

Kimint si fé mimbe ?


1ire etape


Lijhoz bén çu ki shût !

Si vos n' estoz nén seur di bén comprinde çu k' c' est k' in anea, lijhoz li FAQ.




2inme etape

Verifyîz kel waibe da vosse shût bén ces rîles chal :

1. Vos (li waiburlin) estoz Beldje, vicant oudobén åyant viké a l' etrindjir.

2. Li site da vosse pout esse veyou pa tolminme kéne djin :
k' il n' a pont d' tinmes ou sudjets ki porént ofinser on publik di famile
(secse, racisse, evnd.)




3inme etape


Rimplijhoz li formulaire po s' inscrire (clitchoz droci).  Vos rçuroz adon on emilaedje po confirmer,
ci messaedje la årè eto li côde soûrdant html a mete el divintrinne pådje da vosse
(vey pus d' informåcions sol pådje "imådjete da nosse").




4inme etape


Asteure, vos estoz metou el "sale d' atinde" di l' anea.  Po-z esse vormint mimbe, vos dvroz mete
li côde html k' a stou evoyî pa emile dins vosse mwaisse pådje, sins l' candjî
(il a ddja stî metou a vosse môde).




5inme etape


Emilez å "Ringmestre" (manaedjeu di l' anea) po lî dire kel côde html a stî metou so vosse waibe
(avou li hårdêye (adresse URL) del pådje, s' i vs plait).




6inme etape


Li manaedjeu di l' anea irè vey li waibe da vosse ossu rade ki possibe et si totes les condicions
sont verifieyes, i srè radjouté a l' anea.  Vos rçuroz on novea messadje di confirmåcion.




7inme etape


Vos estoz mimbe ! Comincîz a conter les noveas visiteus :o)

Si vos vloz participer pus co pus activmint a noste anea,
vos ploz fé ene donåcion (5 uroliårds) a Belg'Expat'.
Les donåcions siervèt pol paymint do no d' dominne eyet l' lodjoe;
li contabilité est evoyeye a tos les mimbes.

Si vos fjhoz ene donåcion, l' imådjete-drapea eyet si discrijhaedje
ki vos evoyroz å manaedjeu di l' anea sront metous sol pådje
"Donateus - mimbes d' ôr" (les donåcions ni dnèt nol ôte droet ou advintaedje).

Si vos vloz fé ene donåcion, sicrijhoz å manaedjeu di l' anea ki vos evoyrè
les cowordonêyes do conte di banke el Beljike. Gråces!

Waibe & Anea askepyîs e setimbe 2000, pa Pierre Gieling

Li manaedjeu di l' anea est asteure Pierre Gieling  -  li waibe da sinne : Chez Pierre

Ratoûrnaedje e walon pa - Wallonian translation by: Pablo Saratxaga